Karachi Metropolitan Corporation --- Government of Sindh

03-05-2024

میئر کراچی و ترجمان حکومت سندھ بیرسٹر مرتضی وہاب نے کہا ہے کہ انصاف پسند معاشرے کے لیے آزاد صحافت ضروری ہے

میئر کراچی و ترجمان حکومت سندھ بیرسٹر مرتضی وہاب نے کہا ہے کہ انصاف پسند معاشرے کے لیے آزاد صحافت ضروری ہے، مثبت اور تعمیری صحافت کے ذریعے غریب و مظلوم کی آواز ایوانوں تک پہنچانے میں ذرائع ابلاغ کا کردار قابل تحسین ہے، پیپلزپارٹی آزادی صحافت پر یقین رکھتی ہے، آزاد صحافت اور صحافیوں کی بہتری کے لئے ہماری جدوجہد جاری رہے گی، یہ بات انہوں نے آزادی صحافت کے عالمی دن کے موقع پر اپنے پیغام میں کہی، میئر کراچی بیرسٹر مرتضیٰ وہاب نے کہاکہ آزاد صحافت کا عالمی دن ہمارے لئے دلیر اور فرض شناس صحافیوں کی یاد تازہ کرنے اور اس عزم کی تجدید کرنے کا موقع ہے کہ ملک میں صحافت کی آزادی کے لئے ہرممکن کوششیں جاری رکھی جائیں گی، انہوں نے ملک میں جمہوریت کی بقاء کے لئے گرانقدر خدمات انجام دینے پرصحافی برادری کو خراج تحسین پیش کرتے ہوئے کہا کہ حق کے لئے لڑنے والے اور کبھی نہ جھکنے والے صحافیوں نے اپنی جانوں کا نذرانہ پیش کرکے صحافت کی بلند اقدارکی آبیاری کی ہے اور ان کی اس جدوجہد کو ہمیشہ یاد رکھا جائے گا، بہترین معاشرے کی تشکیل میںآزاد صحافت کا بنیادی کردار ہے اور اسے پوری دنیا میں تسلیم کیا جاتا ہے، آزادی صحافت وقت کی ضرورت بھی ہے اور بہتری کی جانب بڑھنے والا ایک اہم قدم بھی جو ملک میں جمہوریت کے استحکام اور معاشی خوشحالی کے لئے نوید بن سکتا ہے، انہوں نے کہا کہ پیپلزپارٹی کی قیادت نے صحافیوں کی فلاح و بہبود کو ہمیشہ ترجیح دی ہے اور اس کا عکس پیپلزپارٹی کی سندھ حکومت کی طرف سے صحافیوں کی فلاح و بہبود کے لئے اٹھائے گئے متعدد اقدامات میں نظر آتا ہے۔

About

میئر کراچی و ترجمان حکومت سندھ بیرسٹر مرتضی وہاب نے کہا ہے کہ انصاف پسند معاشرے کے لیے آزاد صحافت ضروری ہے

Related Links

Contact Us

Complaints