Karachi Metropolitan Corporation --- Government of Sindh

25-04-2024

ڈپٹی میئر کراچی سلمان عبداللہ مراد نے تجاوزات کے خاتمے کے لئے جاری گرینڈ آپریشن کی نگرانی کرنے کے لئے ایم اے جناح روڈ پر واقع مختلف بازاروں اور کمرشل علاقوں کا دورہ کیا-

ڈپٹی میئر کراچی سلمان عبداللہ مراد نے تجاوزات کے خاتمے کے لئے جاری گرینڈ آپریشن کی نگرانی کرنے کے لئے ایم اے جناح روڈ پر واقع مختلف بازاروں اور کمرشل علاقوں کا دورہ کیا اور تجاوزات کو ہٹانے کے لئے ہونے والی کارروائی کا جائزہ لیا، اس موقع پر محکمہ انسداد تجاوزات کے سینئر ڈائریکٹر عمران راجپوت نے انہیں بریفنگ دیتے ہوئے بتایا کہ تجاوزات کے خلاف کارروائی کے سلسلے میں ڈپٹی کمشنر ضلع جنوبی اور ڈی آئی جی ٹریفک سے رابطہ کیا گیا ہے تاکہ جن علاقوں میں تجاوزات کے خلاف کارروائی جاری ہے وہاں سڑکوں پر ٹریفک کی روانی میں کسی بھی قسم کی کوئی رکاوٹ پیدا نہ ہو اور پولیس کی موجودگی کے باعث تجاوزات کے خلاف آپریشن کے دوران کسی بھی نا خوشگوار واقعہ سے نمٹا جاسکے، ڈپٹی میئر کراچی سلمان عبداللہ مراد نے کہا کہ آپریشن کے دوران انتظامیہ کی ضرورت پوری کرنے کے لئے تمام متعلقہ حکام سے رابطہ کیا جائے تاکہ تمام اداروں کو ایک پیج پر لایا جاسکے اور تجاوزات کے خلاف جاری اس مہم کو موثر بنایا جاسکے، انہوں نے کہا کہ تجاوزات کی وجہ سے سڑکیں اور فٹ پاتھیں بند ہوجاتی ہیں اور شہریوں کو آمدورفت میں مشکلات کا سامنا کرنا پڑتا ہے ، خاص طور پر شہر کے گنجان کاروباری مراکز پر تجاوزات کی وجہ سے شدید مشکلات پیش آرہی ہیں لہٰذا ہرممکن کوشش کی جائے کہ اس آپریشن کو جلد از جلد مکمل کرکے شہریوں کو سہولت فراہم کی جائے۔

About

Related Links

Contact Us

Complaints