Karachi Metropolitan Corporation --- Government of Sindh

ڈپٹی میئر کراچی سلمان عبداللہ مراد نے ورلڈ کپ کے میچ میں سری لنکا کے خلاف پاکستان کی ریکارڈ فتح پر پوری قوم کو مبارکباد دیتے ہوئے کہا ہے کہ قومی کرکٹ ٹیم نے شاندار کھیل کا مظاہرہ کیا

ڈپٹی میئر کراچی سلمان عبداللہ مراد نے ورلڈ کپ کے میچ میں سری لنکا کے خلاف پاکستان کی ریکارڈ فتح پر پوری قوم کو مبارکباد دیتے ہوئے کہا ہے کہ قومی کرکٹ ٹیم نے شاندار کھیل کا مظاہرہ کیا، عبداللہ شفیق اور محمد رضوان کی زبردست کارکردگی قابل ستائش ہے، ورلڈ کپ کے آئندہ مقابلوں میں قومی کرکٹ ٹیم کی جیت کے لئے دعاگو ہیں، ڈپٹی میئر کراچی نے کہا کہ پاکستانی ٹیم ورلڈ کپ جیتنے کی صلاحیت رکھتی ہے ٹیم کے تمام کھلاڑی مکمل جذبے کے ساتھ دیگر ٹیموں کا مقابلہ کر رہے ہیں ہم متحد ہو کر صف آراء ہوئے تو پاکستانی ٹیم کو ورلڈ کپ میں شکست دینا ناممکن ہوگا، انہوں نے کہا کہ پاکستانی ٹیم کو بولنگ، بیٹنگ اور فیلڈنگ کے شعبوں میں سخت محنت کرنی ہے، موجودہ انٹرنیشنل کرکٹ میں ٹیکنیک کی بہت زیادہ اہمیت ہے اور ہر ملک اس پر توجہ دے رہا ہے، صلاحیت کے ساتھ عمدہ ٹیکنیک بھی ہو تو مخالف کو زیر کرنا آسان ہوجاتاہے ، امید ہے کہ پاکستانی ٹیم ایک بار پھر 1992ء کی تاریخ کو دہرا کر قوم کو ورلڈ کپ کا تحفہ دے

About

Related Links

Contact Us

Complaints