Karachi Metropolitan Corporation --- Government of Sindh

میئر کراچی بیرسٹرمرتضیٰ وہاب سے ترکی کے قونصل جنرل Cemal Sangu نے وفد کے ہمراہ پیر کے روز ملاقات کی-

میئر کراچی بیرسٹرمرتضیٰ وہاب سے ترکی کے قونصل جنرل Cemal Sangu نے وفد کے ہمراہ پیر کے روز ملاقات کی اور باہمی دلچسپی کے امور پر تبادلہ خیال کیا، اس موقع پر ترک قونصل خانے کے کمرشل اتاشی Eyyup Yildirim اور ہلال ابراہیم ترک قونصل جنرل کے ہمراہ تھے،میئر کراچی بیرسٹر مرتضیٰ وہاب نے ترکی کے قونصل جنرل اور ان کے وفد کو بلدیہ عظمیٰ کراچی آمد پر خوش آمدید کہا ، انہوں نے کہا کہ جمہوریہ ترکی اور پاکستان کے تعلقات دیرینہ دوستی کی عظیم مثال ہیں،برادر ملک ترکی نے ہمیشہ پاکستان کی مدد کی اور مختلف شعبوں میں تعاون فراہم کیا، پاکستان کے عوام ترکی کے ساتھ گہری دوستی کے رشتے پر فخر کرتے ہیں،پاکستان اور ترکی کے تعلقات وقت گزرنے کے ساتھ ساتھ مزید مستحکم ہوں گے، انہوں نے ترکی کے قونصل جنرل کو کراچی میں بلدیاتی نظام کے حوالے سے تفصیلات سے آگاہ کرتے ہوئے بتایا کہ بنیادی انفراسٹرکچر کو ترقی دے کر شہریوں کے لیے سہولیات فراہم کی جارہی ہیں،کراچی پاکستان کا کمرشل حب ہے اور یہاں صنعتی و تجارتی سرگرمیاں پورا سال جاری رہتی ہیں، کراچی کو اپنے منفرد محل و قوع کی وجہ سے اس خطے میں خصوصی اہمیت حاصل ہے، بلدیہ عظمیٰ کراچی صنعتی زونز اور رہائشی علاقوں میں ترجیحی بنیادوں پر بہتری اور ترقی کے کام کر رہی ہے تاکہ کراچی کے شہریوں کو بہتر سے بہتر بلدیاتی سہولیات فراہم کی جاسکیں، اس موقع پر ترکی کے قونصل جنرل Cemal Sangu نے کہا کہ ترکی کی حکومت پاکستان کے ساتھ باہمی تعاون کو مزید وسعت دینا چاہتی ہے اور اس مقصد کے تحت مختلف شعبوں میں دونوں ملکوں کے درمیان اشتراک عمل جاری ہے جس سے پاکستان اور ترکی دونوں کو فائدہ ہوگا، انہوں نے کراچی میں بنیادی انفراسٹرکچر کو بہتر بنانے کے عمل کو سراہتے ہوئے اس امید کاا ظہار کیا کہ ان اقدامات کے نتیجے میں کراچی کے شہریوں کو سہولت ملے گی اور ا ن کا معیار زندگی بہتر ہوگا۔

About

میئر کراچی بیرسٹرمرتضیٰ وہاب سے ترکی کے قونصل جنرل Cemal Sangu نے وفد کے ہمراہ پیر کے روز ملاقات کی-

Related Links

Contact Us

Complaints