Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر کے ترجمان نے خرم شیر زمان کی پریس کانفرنس میں لگائے گئے الزامات پر کہا ہے کہ صدر میں جو بھی کارروائی ہو رہی ہے وہ سپریم کورٹ کی احکامات کی روشنی میں ہورہی ہے-  
     
  08-Nov-2018  
     
   
     
  میئر کراچی وسیم اختر کے ترجمان نے صدر میں قابضین کے خلاف جاری آپریشن پر ممبر صوبائی اسمبلی خرم شیر زمان کی پریس کانفرنس میں لگائے گئے الزامات پر کہا ہے کہ صدر میں جو بھی کارروائی ہو رہی ہے وہ سپریم کورٹ کی احکامات کی روشنی میں ہورہی ہے اور سپریم کورٹ کے احکامات پر من و عن عمل ہو رہا ہے ، ترجمان نے کہا کہ ممبر صوبائی اسمبلی کو یہ معلوم ہونا چاہئے کہ اس آپریشن میں صرف میئر کراچی یا بلدیہ عظمیٰ کراچی ہی نہیں بلکہ کراچی ڈسٹرکٹ انتظامیہ، پولیس، رینجرز اور دیگر تمام متعلقہ شہری ادارے شامل ہیں، کمشنر کراچی سمیت اعلیٰ حکام اور دیگر اداروں کے سربراہان بھی اس آپریشن میں موجود رہتے ہیں اور کسی ایک جگہ پر بھی کسی سے زیادتی نہیں ہوئی، ترجمان نے کہا کہ صدر کے علاقے میں وہ دکانیں توڑی جا رہی ہیں جو فٹ پاتھوں یا گلیوں کو بند کرکے غیرقانونی تعمیر کی گئی ہیں، سائن بورڈز نہیں توڑے جا رہے بلکہ جن دکانداروں نے دکانوں سے پانچ پانچ فٹ باہر فٹ پاتھ پر قبضہ کرکے پیدل چلنے والوں کا راستہ روک لیا اور گلیوں اور سڑکوں پر بھی قبضہ کرکے ٹرانسپورٹ کے لئے بھی دشواری پیدا کردی ہے سپریم کورٹ کے ہدایت پر ان قابضین کو ہٹایا جا رہا ہے جبکہ ان میں سے جو لوگ بلدیہ عظمیٰ کراچی کو کرایہ ادا کرتے تھے ان کے لئے کمشنر کراچی اور دیگر اعلیٰ حکام کے ساتھ اجلاس میں فیصلہ کیا گیا ہے کہ بلدیہ عظمیٰ کراچی دیگر مارکیٹوں میں ان دکانداروں کو کرائے پر دکانیں دے گی، ترجمان نے کہا کہ سپریم کورٹ کے احکامات میں رکاوٹ بننے کے لئے کسی کو بھی اجازت نہیں ہیں لہٰذا عدالت کے فیصلے کو کوئی دوسرا رنگ دینا غلط اقدام ہوگا، اگر کسی کو اس آپریشن پر اعتراض ہے یا وہ سمجھتا ہے کہ اس میں کوئی خلاف ورزی ہوئی ہے تو وہ سپریم کورٹ ہی سے رجوع کرسکتا ہے کیونکہ صدر کو قابضین سے خالی کرانے کے کام کو روکنے اور بند کرنے کا اختیار صرف سپریم کورٹ کو ہی حاصل ہے اور سپریم کورٹ کے احکامات کی روشنی میں یہ آپریشن جاری رہے گا۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard