Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ کنٹریکٹ ملازمین بھی ریگولر ملازمین کی طرح بلدیہ عظمیٰ کراچی کی افرادی قوت کا حصہ ہیں-  
     
  19-May-2018  
     
   
     
  میئر کراچی وسیم اختر نے کہا ہے کہ کنٹریکٹ ملازمین بھی ریگولر ملازمین کی طرح بلدیہ عظمیٰ کراچی کی افرادی قوت کا حصہ ہیں اور ان کے مسائل سے بخوبی آگاہ ہیں اور ان سے ہمدردی رکھتے ہیں اور چاہتے ہیں کہ ان کے مسائل جلد از جلد حل ہوں تا کہ وہ مکمل دلجمعی کے ساتھ اپنے فرائض منصبی انجام دے سکیں ، ہماری اولین ترجیح ہے کہ تمام کنٹریکٹ ملازمین مستقل ہوں اور ان کے روزگار کو تحفظ ملے جس کے لئے ہم ہرممکن کوششیں کر رہے ہیں ، روزگار انسانی مسئلہ اور بنیادی ضرورت ہے، ہم کسی کو بے روزگار نہیں کرنا چاہتے کیونکہ یہ فرد کا نہیں خاندانوں کامعاملہ ہے ، ان خیالات کااظہار انہوں نے ہفتہ کی دوپہر کے ایم سی میں بھرتیوں اور کنٹریکٹ ملازمین کے حوالے سے اعلیٰ سطحی اجلاس سے خطاب کرتے ہوئے کیا، اس موقع پر میونسپل کمشنر ڈاکٹر سید سیف الرحمن،مالیات کمیٹی کے چیئرمین ندیم ہدایت ہاشمی، پارکس اینڈ ہارٹیکلچر کے چیئرمین خرم فرحان، میئر کراچی کے مشیر فرحت خان، سینئر ڈائریکٹر ایچ آر ایم تسنیم احمد، ڈائریکٹر ٹیکنیکل ٹو میئر کراچی ایس ایم شکیب ، ڈائریکٹر جمیل فاروقی ، اے ڈی ایف ایل اے محمد فرید اور یگر افسران بھی موجود تھے، اجلاس میں کنٹریکٹ ملازمین کے مسائل کو حل کرنے کیلئے مختلف تجاویز پر غور کیا گیا، میئر کراچی وسیم اختر نے کہا کہ بھرتیوں کے عمل کو قانون کے مطابق اور شفاف طریقے سے مکمل کیا جائے گا اور کے ایم سی میں کنٹریکٹ پر بھرتی کئے گئے ملازمین کو ان کے تجربے کی بنیاد پر ترجیح دی جائے گی، میئر کراچی نے کہا کہ ہماری کوشش ہے کہ کنٹریکٹ ملازمین کے مسائل کو مستقل بنیادوں پر حل کیا جائے اور کے ایم سی میں جو آسامیاں کئی سالوں سے خالی ہیں ان پر مستقل ملازمین بھرتی کئے جائیں گے، بھرتیوں کے عمل کو قانون کے مطابق اور شفاف طریقے سے مکمل کیا جائے گا،ملازمت فراہم کرتے ہوئے سپریم کورٹ کے احکامات اور SLGA 2013 کے ہدایات اور قوانین پر عمل کیا جائے گا اس حوالے سے میونسپل کمشنر کی سربراہی میں کمیٹی تشکیل دے دی گئی ہے جو تمام قانونی امور کا جائزہ لے کر حتمی فیصلہ کرے گی۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard