میئر کراچی وسیم اختر کی ہدایت پر بلدیہ عظمی کراچی کے پروجیکٹ ڈائریکٹر اورنگی ٹائون نے کراچی کے عوام سے بالعموم اور اورنگی ٹائون کے عوام سے بالخصوص کہا ہے کہ وہ گلشن ضیاء میں کسی بھی قسم کی خرید و فروخت نہ کریں-
	12-Apr-2018
	میئر کراچی وسیم اختر کی ہدایت پر بلدیہ عظمی کراچی کے پروجیکٹ ڈائریکٹر اورنگی ٹائون نے کراچی کے عوام سے بالعموم اور اورنگی ٹائون کے عوام سے بالخصوص کہا ہے کہ وہ گلشن ضیاء میں کسی بھی قسم کی خرید و فروخت نہ کریں جب تک کہ اس کی اصلیت اور کاغذات کی تصدیق بلدیہ عظمی کراچی سے نہ ہوجائے ، جعلی این او سی کے ذریعے عوام کو گمراہ کیا جا رہا ہے، انہوں نے مطلع کیا کہ بلدیہ عظمی کراچی نے کسی بھی پروجیکٹ کو این او سی جاری نہیں کی،واضح رہے کہ میئرکراچی وسیم اختر کی ہدایت کے مطابق این او سی برائے تعمیرات سمیت ماضی میں 2009 سے اب تک جاری ہونے والی تمام این او سیز NOC'Sکی تصدیق متعلقہ اداروں سے کرائی جائے گی اس لئے یہ این او سیز تصدیق تک غیر موثر ہیں ادارہ ان کی منسوخی کا حق رکھتا ہے اور اس ضمن میںمنسوخی کا حکم نامہ تمام پروجیکٹس مالکان اور گلشن ضیاء میں مختلف اداروں کی جانب سے دی گئی NOC's والے افراد کو بھیج دیا گیا ہے اور ان کی کوئی قانونی حیثیت نہیں بالخصوص اگرNOC'sکسی اور ادارے نے جاری کی ہے تو وہ قابل عمل میں نہیں،محکمہ کی اسکروٹنی کمیٹی اس کی جانچ پڑتال کے بعد قانونی پوزیشن دیکھ کر فیصلہ کریگی ، یہ بھی اطلاعات ہیں کہ کچھ افراد لیز کرانے کی کوشش کر رہے ہیں جو قطعی غیر قانونی ہوگا اور ایسے افراد کے خلاف عدالتی کاروائی سمیت تمام قانونی کاروائی عمل میں لائی جائے گی جبکہ کسی کو ملوث یا گمراہ کرکے قبضہ کی کوشش بھی ناکام بنادی جائے گی، کاغذات درست پائے جانے والے مالکان کو تمام قانونی موشگافیوں کی تکمیل کے بعد لیز دی جائے گی اس لئے کسی بھی پروجیکٹ کی این او سی غیر قانونی ہے، یہ علاقہ بلدیہ عظمی کراچی کا ہے ، پروجیکٹ ڈائریکٹر نے مزید کہا کہ بلدیہ عظمی کراچی کی ملکیت پر کوئی بھی قبضہ کیا گیا تو ایف آئی آر سمیت تمام قانونی اقدامات کریں گے۔