Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ فوڈ فیسٹیول کراچی کی رونق ہیں جہاں شہریوں کوکم خرچ میں عمدہ اور معیاری تفریح مہیا ہوتی ہے-  
     
  09-Mar-2018  
     
   
     
  میئر کراچی وسیم اختر نے کہا ہے کہ شہریوں کو معیاری اور بہترین تفریح مہیا کرنا ترجیحات میں شامل ہے،فوڈ فیسٹیول کراچی کی رونق ہیں جہاں شہریوں کوکم خرچ میں عمدہ اور معیاری تفریح مہیا ہوتی ہے،ایسے مواقع روایتی کھانوں اور ثقافتی اقدار کو فروغ دینے کا سبب بنتے ہیں،یہ بات انہوں نے جمعہ کی شام بیچ پارک کلفٹن میں تین روزہ فوڈ فیسٹیول کا افتتاح کرنے کے بعد میڈیا کے نمائندوں سے بات چیت کرتے ہوئے کہی، اس موقع پر سینئر ڈائریکٹر کوآرڈینیشن مسعود عالم، ڈائریکٹر میڈیا مینجمنٹ علی حسن ساجد، آرگنائزر کیبن رائے اور شہریوں کی بڑی تعداد بھی موجود تھی، میئر کراچی نے فیسٹیول کے افتتاح کے بعد مختلف اسٹالز کا دورہ کیا ، فیسٹیول میں شرکت کرنے والے شہریوں سے بات چیت کی، میئر کراچی نے کہا کہ شہریوں کی بڑی تعداد میں شرکت فوڈفیسٹیول کی کامیابی کا ثبوت ہے، توقع ہے کہ تیس سے چالیس ہزار افراد روزانہ اس فوڈفیسٹیول میں شرکت کے لئے بیچ پارک آئیں گے، کراچی کے دیگر علاقوں میں بھی اس طرز کے فوڈ فیسٹیول منعقد کئے جائیں گے تاکہ زیادہ سے زیادہ شہری ان سے مستفید ہوسکیں، انہوں نے کہا کہ صرف کراچی کے شہریوں کے لئے ہی نہیں بلکہ پورے پاکستان کے لوگوں کے لئے کلفٹن کا ساحل ایک بہترین تفریحی مقام ہے جہاںہر روز بڑی تعداد میں لوگ اپنی فیملی کے ہمراہ تفریح کے لئے آتے ہیں، ساحل سمندر پر وسیع و عریض باغ ابن قاسم بھی شہریوں کی تفریح کا مرکز ہے لہٰذا اس کی اہمیت کے پیش نظر باغ ابن قاسم کی بحالی اور تزئین کے لئے اقدامات کئے گئے اور اسے ایک بہتر پارک کی شکل دی گئی ہے، اسی طرح بیچ پارک کو بھی بہتر بنائیں گے،انہوں نے کہا کہ شہر کے پارک شہریوں کی امانت ہیں اور ہم ان کی حفاظت اور نگہداشت کو اپنی ذمہ داری سمجھتے ہیں۔  
     
     
 
News Photo Gallery
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard