Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ بلدیاتی اسپتالوں میں میڈیکل سپرنٹنڈنٹس، ڈاکٹرز، پروفیسرز وقت کی پابندی کو یقینی بنائیں -  
     
  12-Feb-2018  
     
   
     
  میئر کراچی وسیم اختر نے کہا ہے کہ بلدیاتی اسپتالوں میں میڈیکل سپرنٹنڈنٹس، ڈاکٹرز، پروفیسرز وقت کی پابندی کو یقینی بنائیں اور اسپتال آنے والے مریضوں کے علاج معالجے اور دیکھ بھال پر بھرپور توجہ دیں تاکہ بلدیاتی اسپتال اپنی بہتری کارکردگی سے مریضوں کا اعتبار دوبارہ حاصل کرسکیں، اسپتالوں میں مفت ادویات کی فراہمی کو یقینی بنایا جائے اور جو افراد اسٹاف کی تنخواہوں میں تاخیر کے ذمہ دار ہوں گے ان کے خلاف کارروائی عمل میں لائی جائے گی یہ بات انہوں نے پوسٹ گریجویٹ ڈاکٹرز،MCPS اور FCPS ڈاکٹروں سے ملاقات کے موقع پر کہی جنہوں نے اپنے مسائل کے حل کے سلسلے میں ان کے دفتر میں میئر کراچی سے ملاقات کی، چیئرمین لینڈ کمیٹی سید ارشد حسن، چیئرمین میڈیکل اینڈ ہیلتھ کمیٹی ڈاکٹر ناہید فاطمہ، ڈائریکٹر میڈیکل سروسز ڈاکٹر بیربل، ڈائریکٹر ٹیکنیکل ایس ایم شکیب اور مختلف اسپتالوں کے میڈیکل سپرنٹنڈنٹس بھی اس موقع پر موجود تھے، میئر کراچی نے کہا کہ اگلے تین روز کے اندر سوبھراج میٹرنٹی اسپتال کے پوسٹ گریجویٹ ڈاکٹروں کو ان کی تنخواہیں اور بقایا جات ادا کردیئے جائیں تاکہ یہ ڈاکٹرز یکسوئی کے ساتھ اپنے فرائض انجام دے سکیں، میئر کراچی وسیم اختر نے کہا کہ میڈیکل سپرنٹنڈنٹس اپنے اپنے اسپتالوں میں صفائی ستھرائی، ادویات کی فراہمی، داخل مریضوں کی مکمل نگہداشت اور علاج معالجے کی سہولیات فراہم کرنے میں کوئی کسر اٹھا نہ رکھیں، 13 کروڑ روپے کی لاگت سے جو ادویات اسپتالوں کو فراہم کی جا رہی ہیں وہ مریضوں کو ملنی چاہئیں، انہوں نے کہا کہ تمام میڈیکل سپرنٹنڈنٹس، ڈاکٹرز، پیرامیڈیکل اسٹاف اسی طرح اپنے فرائض انجام دیں تاکہ مجھے اچانک دوروں اور چھاپے مارنے کی ضرورت پیش نہ آئے انہوں نے کہا کہ اعزازی طور پر فرائض انجام دینے والے پوسٹ گریجویٹ ڈاکٹرز کی مستقل تعیناتی کے لئے ضروری اقدامات کئے جارہے ہیں، قبل ازیں پوسٹ گریجویٹ ڈاکٹرز نے میئر کراچی کو اپنے مسائل سے آگاہ کیا اور بتایا کہ انہیں کئی ماہ سے تنخواہیں نہیں ملی ہیں جس کے باعث وہ پریشانی کا شکار ہیں انہوں نے کہا کہ بعض پوسٹ گریجویٹ ڈاکٹرز اعزازی طور پر سوبھراج اسپتال میں کام کر رہے ہیں لیکن یہ امید رکھتے ہیں کہ انہیں ترجیحی بنیادوں پر ملازمتیں فراہم کی جائیں گی، میئر کراچی نے سینئر ڈائریکٹر میڈیکل سروسز سے کہا کہ وہ اس سلسلے میں فوری اقدامات کریں۔  
     
     
 
News Photo Gallery
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard