Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا کہ ہم لوگ سکھ برادری کے مذہبی تہواروں میں شریک ہوتے ہیں ، یہ روایت کراچی میںابتداء سے ہے اور اسے قائم رہنا چاہیئے-  
     
  04-Nov-2017  
     
   
     
  میئر کراچی وسیم اختر نے سکھ مذہب کے بانی باباگرونانک کے 549 ویں جنم دن کے موقع پر گرونانک دربار سوامی نارائن مندر ایم اے جناح روڈ میں تین روزہ تقریبات کا افتتاح کیا، سریش کمار، راجہ آسر منگلانی اور سکھ برادری کے دیگر رہنماء بھی ا س موقع پرموجود تھے۔ میئر کراچی وسیم اختر نے اس موقع پر خطاب کرتے ہوئے کہا کہ ہم لوگ سکھ برادری کے مذہبی تہواروں میں شریک ہوتے ہیں ، یہ روایت کراچی میںابتداء سے ہے اور اسے قائم رہنا چاہیئے بانی پاکستان قائد اعظم محمد علی جناح نے یہ ملک تمام مذاہب، فرقوں اورطبقات سے تعلق رکھنے والوں کے لئے بنایا تھا اور ہم سب برابر ہیں اور بحیثیت پاکستانی قوم ہمیں اپنے ملک کی ترقی خوشحالی کے لئے آپس میں محبت اور یکجہتی کیلئے کام کرنا ہوگا تاکہ ملک ترقی کرے اور اقوام عالم ان ممالک میں شامل ہو جو دنیا کے مہذب اور ترقی یافتہ ممالک میں کہلاتے ہیں، انہوں نے کہا کہ دیگر اقلیتی برادریوں کی طرح سکھ برادری بھی محب وطن ہے اور ملک کی ترقی اور امن و امان کے قیام کے لئے سکھ برادری کا بھی بھر پور کردار ہے، انہوںنے کہا کہ پاکستان سمیت پوری دنیا میں بابا گرونانک کا جنم دن منایا جارہا ہے اور میں اپنی اور کراچی کے شہریوں کی جانب سے دنیا بھر کی تمام سکھ برادری کو دل کی گہرایوں کے ساتھ بابا گرونانک کے جنم دن کی مبارکباد پیش کرتا ہوں، بابا گرونانک نے دور دراز سفر کرکے لوگوں کو ایک خدا کا پیغام پہنچایا جو اپنی ہر ایک تخلیق میں جلوہ گر ہے اور لازوال حقیقت ہے، انہوں نے کہا کہ بابا گرونانک کے سکھ مت کا بنیادی عقیدہ انتقام اور کینہ پروری کے بجائے رحم دلی اور امن کا پیغام پھیلانا ہے، انہوں نے کہا کہ با با گرونانک کی امن و آشتی، صلح و احترام، مساوات و رواداری کی تعلیمات کے باعث دنیا کے دیگر مذاہب کی طرح مذہب اسلام کے پیروکار بھی انہیں عزت و احترام کی نظر سے دیکھتے ہیں، بابا گرونانک کی پاکستان کے شہر لاہور (ننکانہ) میں پیدائش سکھ برادری سمیت دنیا کے دیگر مذاہب کے ماننے والوں کے لیے خصوصاً پاکستان کے عوام کے لیے ایک اعزاز ہے کیونکہ بابا گرونانک کو سکھ مت کے بانی اور انہیں زمانے کا ’’عظیم ترین مذہبی موجد‘‘ قرار دیا جاتا ہے، میئر کراچی وسیم اختر نے کہا کہ بابا گرونانک کی تعلیمات کے مطابق ایک منفرد روحانی، سماجی اور سیاسی نظام کو ترتیب دینے کے ساتھ ساتھ مساوات، بھائی چارے، نیکی اور حسن سیرت پر مشتمل ہے یہی وجہ ہے کہ بابا گرونانک کو امن کا پیامبرکہا جاتا ہے، تقریب میں میئر کراچی وسیم اختر کو سکھ مذہب کا نشان اور خصوصی شال کا تحفہ بھی پیش کیا گیا جبکہ انہوں نے دربار پر اپنی جانب سے چادر بھی چڑھائی۔  
     
     
 
News Photo Gallery
 
 
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard