Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ سپریم کورٹ کے احکامات کی روشنی میں اسلامک کلچرل سینٹر عائشہ منزل کی بحالی کا کام جاری ہے-  
     
  26-Jul-2017  
     
   
     
  میئر کراچی وسیم اختر نے کہا ہے کہ سپریم کورٹ کے احکامات کی روشنی میں اسلامک کلچرل سینٹر عائشہ منزل کی بحالی کا کام جاری ہے عمارت پر لکھی گئیں قرآنی آیات اور کلمہ طیبہ جس کو نجی ادارے نے اپنے اشتہاری بورڈز اور بینرز آویزاں کرکے چھپا دیا تھااب یہ بینرز اور بورڈز ہٹائے جانے کے بعد دوبارہ واضح ہوگئی ہیں ، متعلقہ فرم نے جمعہ تک عمارت سے اپنا سامان نہ اٹھایا تو کے ایم سی کا عملہ ان کے خلاف کارروائی کرتے ہوئے عمارت کو خالی کرالے گا انہوں نے کہا کہ سپریم کورٹ آف پاکستان کے احکامات پر عملدرآمد میں کوئی کوتاہی نہیں کی جا رہی اور اسلامک کلچرل سینٹر کو اس کی اصل حیثیت میں بحال کیاجا رہا ہے جس کے لئے بھرپور کارروائی جاری ہے۔دریں اثناء بدھ کے روز بلدیہ عظمیٰ کراچی کی کونسل کی کلچر اینڈ اسپورٹس کمیٹی کے چیئرمین اعجاز احمد خان کی نگرانی میں شاہراہ پاکستان پر واقع اسلامک کلچر ل سینٹرکی عمارت پر لگے اشتہاری بورڈز اور بینرزہٹا دیئے گئے جنہیں آویزاں کرکے قرآنی آیات اور کلمہ طیبہ کو چھپا دیا گیا تھا جبکہ عمارت پر لگا فن راما سٹی آڈیٹوریم کا بورڈ بھی اتار دیا گیا ،واضح رہے کہ میئر کراچی وسیم اختر نے بلدیہ عظمیٰ کراچی کی ملکیت اسلامک کلچر ل سینٹرکی بحالی کے حوالے سے سپریم کورٹ کے احکامات کی تعمیل کے لئے محکمہ کلچر اسپورٹس اینڈ ریکریشن کو ہدایات جاری کی تھیں جن کے تحت نجی ادارے فن راماآرٹس اینڈ انٹرٹینمنٹ کو سات یوم کے اندر اسلامک کلچرل سینٹر کی عمارت میں قائم سنیما اور دیگر متعلقہ سرگرمیوں کو بند کرنے اور تمام اشتہاری ہورڈنگز اور بورڈز ہٹانے کا نوٹس جاری کیا گیا تھااور واضح کیا گیا تھا کہ میسرز فن راما نے 19 مارچ 2010ء کو کئے گئے ایگریمنٹ کی شرائط کی سنگین خلاف ورزی کی جس کے باعث ایگزیمنٹ کا اصل مقصد حاصل نہیں کیا جاسکا۔ بلدیہ عظمیٰ کراچی کی جانب سے دیئے جانے والے اس نوٹس کی مدت ختم ہونے کے بعد یہ کارروائی عمل میں لائی گئی اور اسلامک کلچرل سینٹرکی عمارت کو اس کی اصل شکل میں بحال کردیا گیا ۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard