Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کہ یوسی چیئرمین اپنے علاقوں میں ترقیاتی کاموں کی خود نگرانی کریں اور سٹی کونسل کے پارلیمانی لیڈران کی مشاورت یقینی بنائیں-  
     
  26-Jul-2017  
     
   
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کہ یوسی چیئرمین اپنے علاقوں میں ترقیاتی کاموں کی خود نگرانی کریں اور سٹی کونسل کے پارلیمانی لیڈران کی مشاورت یقینی بنائیں تاکہ یوسیز کے لئے ملنے والا فنڈ شفاف طریقے سے شہریوں کے مسائل حل کرنے کے لئے استعمال کیا جاسکے، یہ بات انہوں نے سٹی کونسل کے پارلیمانی لیڈران کے ایک اجلاس کی صدارت کرتے ہوئے کہی، اجلاس میں سٹی کونسل کے پارلیمانی لیڈر اسلم شاہ آفریدی، اپوزیشن لیڈر کرم اللہ وقاصی، پاکستان مسلم لیگ (ن) کے پارلیمانی لیڈر امان اللہ آفریدی، جمعیت علمائے اسلام کے پارلیمانی لیڈر سید اکبر شاہ، اے این پی کے پارلیمانی لیڈر عالم زیب الائی، ارشد حسین، حنیف سورتی اور دیگر نے شرکت کی، اس موقع پر ڈپٹی میئر کراچی نے کہا کہ اخبارات میں 168 یوسیز میں ترقیاتی کاموں کے اشتہارات شائع کردیئے گئے ہیں اور فی یوسی 25 لاکھ روپے کا فنڈ مختص کیا گیا ہے اس حوالے سے دیگر یوسیز مل کر تقریباً دو کروڑ روپے کا فنڈ استعمال کرسکتی ہیں۔ انہوں نے کہا کہ یونین کونسل انتظامیہ اپنی ترجیحات میں سیوریج نظام کی بہتری، سڑکوں کی پیوندکاری و مرمت اور دیگر انفراسٹرکچر کی بحالی و ترقی کے امور شامل کریں، اس سلسلے کا دوسرا اجلاس جمعہ 28 جولائی کو منعقد کیا جائے گا، انہوں نے کہا کہ یوسیز اس امر کا خاص خیال رکھیں کہ سٹی کونسل کے پارلیمانی لیڈرز کی بہمی مشاورت ان کاموں میں شامل رہے۔ انہوں نے کہا کہ سالانہ ترقیاتی فنڈز کا اجراء اگست میں شروع ہوجائے گا جو اس کے علاوہ ہے اس فنڈ سے بھی شہر کی مختلف یونین کونسلوں میں ترقیاتی کام انجام دیئے جائیں گے، ڈپٹی میئر کراچی ڈاکٹر ارشد عبداللہ وہرہ نے کہا کہ ہم چاہتے ہیں کہ شہر کے ہر علاقے میں مساوی بنیاد پر ترقیاتی کام انجام دیئے جائیں تاکہ تمام شہریوں کے مسائل حل ہوسکیں، اجلاس کے دوران مختلف جماعتوں سے تعلق رکھنے والے سٹی کونسل کے پارلیمانی لیڈرز نے اس بات پر زور دیا کہ ان ترقیاتی اسکیموں میں شہریوں کے علاقائی مسائل کو اہمیت دی جائے گی اور اس سلسلے میں دیگر اسکیموں میں اس بات کو مدنظر رکھا گیا ہے کہ چھوٹے چھوٹے کاموں سے جہاں تک ممکن ہوسکے علاقہ مکینوں کو ریلیف دیا جائے۔  
     
     
 
News Photo Gallery
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard