Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئرکراچی وسیم اختر نے کہا ہے کہ کیوٹو میمورنڈم پر دستخط کے بعد کراچی ان شہروں میں شامل ہوگیاہے جہاں اس بین الاقوامی معاہدے کے تحت فضائی آلودگی پرقابو پانے میں مدد ملے گی-  
     
  19-Mar-2017  
     
   
     
  میئرکراچی وسیم اختر نے کہا ہے کہ کیوٹو میمورنڈم پر دستخط کے بعد کراچی ان شہروں میں شامل ہوگیاہے جہاں اس بین الاقوامی معاہدے کے تحت فضائی آلودگی پرقابو پانے میں مدد ملے گی، لاؤس کے دارالحکومت وینتیان میں بین الاقوامی میئرز کانفرنس کے موقع پر کیوٹو میمورنڈم پر دستخط کرنے کے بعد بین الاقوامی میڈیا سے بات چیت کرتے ہوئے میئر کراچی نے کہاکہ اس معاہدے میں دنیا کے بہت سے شہرشامل ہیںجبکہ ایشیائی ممالک میں بنگلہ دیش، جاپان، انڈونیشیااور پاکستان بھی اب اس معاہدے میں شامل ہوگئے ہیں جس سے کراچی کے شہریوں کو فائدہ ہوگا اور ماحولیاتی آلودگی کے خاتمے کے لئے بین الاقوامی مشاورت اور امداد حاصل ہوسکے گی، انہوں نے کہاکہ اس معاہد ے کے تحت دنیا بھر کے شہروں میں ماحولیاتی مسائل سے نمٹنے کے لئے جو پالیسی اپنا ئی جائے گی اسی پر کراچی میں بھی عملدرآمد ہوگا، میئر کراچی نے کہاکہ فضائی آلودگی موجودہ دور کا اہم مسئلہ بن چکی ہے، خاص طورپر بڑے شہروں کو اس نے بہت زیادہ متاثر کیا ہے اور یہ مختلف نفسیاتی اور جسمانی بیماریوں کا سبب بن رہی ہے جس پر قابوپانا بیحد ضروری ہو گیاہے، اس کی وجہ سے شہریوں کے مزاج تبدیل ہورہے ہیں ، چڑچڑا پن ، جذباتی رجحانات اور دیگر عوارض لاحق ہورہے ہیں جو تشویش کا سبب ہے، انہوں نے کہاکہ کیوٹو معاہدہ دنیا کے بہت سے شہریوں میں میں اس بات کو یقینی بنائے گا کہ ایسے عوامل پیدا کئے جائیں جن سے فضائی آلودگی اگر مکمل طورپر ختم نہ بھی ہو تو کم از کم اسے قابل کنٹرول حالت میں لایا جائے اور جہاں تک ہوسکے اس میں کمی کے لئے اقدامات عمل میں لائے جائیں، انہو ں نے کہاکہ شہروں میں موجودہ صنعتی زونز کو بھی کیوٹو معاہدے کے تحت ماحول دوست بنایا جائے گا اور فیکٹریوں سے خارج ہونے والے دھوئیں کے خاتمے کے لئے اقدامات کئے جائیں گے ، معاہدے پر دنیا بھر سے آئے ہوئے شہروں کے میئرز نے بھی دستحظ کئے۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard